Անգլիական «Լիվերպուլից» «Բարսելոնա» տեղափոխված Ֆիլիպե Կոուտինյոն բուժզննում է անցել կատալոնական ակումբում։
Բրազիլացի կիսապաշտպանի մոտ ախտորոշվել է ազդրի վնասվածք, իսկ վերականգնման համար կպահանջվի 3 շաբաթ, հայտնում է «Բարսելոնայի» մամուլի ծառայությունը։
Իսպանական մամուլի համաձայն՝ «Բարսելոնայում» իմացել են Կոուտինյոյի վնասվածքի մասին, այդ պատճառով այն անակնկալ չի եղել ակումբի համար։
Հիշեցնենք, որ «Բարսելոնայում» Ֆիլիպե Կոուտինյոյի շնորհանդեսը տեղի է ունենալու հունվարի 8-ին: Բրազիլիայի հավաքականի կիսապաշտպանը 5.5 տարվա պայմանագիր է կնքելու կատալոնական ակումբի հետ: 25-ամյա ֆուտբոլիստի՝ «Բարսելոնայի» հետ պայմանագրում ամրագրված տրանսֆերային գինը կկազմի 400 միլիոն եվրո: Ոչ պաշտոնական տվյալներով, նրա տրանսֆերը կազմելու է 145 միլիոն ֆունտ ստերլինգ:
Կոուտինյոն 2013-ին իտալական «Ինտերից» էր տեղափոխվել «Լիվերպուլ», որը 8.5 միլիոն ֆունտ ստերլինգով էր ձեռք բերել նրան:
[INJURY NEWS] @Phil_Coutinho has a thigh injury in his right leg. More details https://t.co/of1in1jKrw #CoutinhoDay pic.twitter.com/jn7sWYXUcJ
— FC Barcelona (@FCBarcelona) 8 января 2018 г.
Հետևեք NEWS.am SPORT-ին Facebook-ում, Twitter և Telegram-ում