Ֆուտբոլի Սաուդյան Արաբիայի առաջնության 16-րդ տուրում «Ալ Շաբաբը» հյուրընկալվելիս նվազագույն հաշվով հաղթել է «Ալ Բատինին»: Հյուրերը խաղի միակ գոլը 17-րդ րոպեին խփել են Հայաստանի հավաքականի կիսապաշտպան Մարկոս Պիզելիի փոխանցումից հետո:
Պիզելին «Ալ Շաբաբի» մեկնարկային կազմում հանդես է եկել 61 րոպե՝ վնասվածքից հետո անցկացնելով առաջին հանդիպումը: Նա վերջերս է ապաքինվել մկանային վնասվածքից, որի պատճառով բաց թողեց երկու շաբաթ:
Այս հաղթանակից հետո «Ալ Շաբաբը» 22 միավորով բարձրացավ 5-րդ տեղ:
Հետևեք NEWS.am SPORT-ին Facebook-ում, Twitter և Telegram-ում