23:57  ,  25 դեկտեմբերի, 2017

«Ինտերը» բանակցել է Մխիթարյանի գործակալի հետ, Մոուրինյոն կնպաստի գործարքին

Միլանի «Ինտերի» մարզական տնօրեն Վալտեր Սաբատինին բանակցել է «Մանչեսթեր Յունայթեդի» կիսապաշտպան Հենրիխ Մխիթարյանի գործակալ Մինո Ռայոլայի հետ հունվարին վարձակալությամբ հայ ֆուտբոլիստին ձեռք բերելու մտադրությամբ: Իտալացի գործակալը եւս փորձում է արագացնել գործարքը, հաղորդում է fcinternews.it-ը:

Անգլիական ակումբի պորտուգալացի գլխավոր մարզիչ Ժոզե Մոուրինյոն լավ հարաբերությունների մեջ է «Ինտերի» ղեկավարության հետ եւ նույնպես շահագրգռված է գործարքը հունվարին իրականացնելու մեջ: Մոուրինյոն «Ինտերը» գլխավորել է 2008-2010 թվականներին՝ դառնալով Իտալիայի կրկնակի չեմպիոն, գավաթակիր, սուպերգավաթակիր, Չեմպիոնների լիգայի գավաթակիր:

Հայաստանի հավաքականի 28-ամյա ավագի ծառայություններով հետաքրքրված են նաեւ Լոնդոնի «Արսենալն» ու «Տոտենհեմը» եւ Դորտմունդի «Բորուսիան»:

Հետևեք NEWS.am SPORT-ին Facebook-ում, Twitter և Telegram-ում