Լոնդոնի «Արսենալի» կիսապաշտպան Մեսութ Օզիլը պատրաստ է ձմեռային տրանսֆերային պատուհանի ժամանակ տեղափոխվել «Բարսելոնա»:
Mundo Deportivo-ն գրում է, որ կատալոնական ակումբը կապ է պահպանում Գերմանիայի հավաքականի 29-ամյա ֆուտբոլիստի գործակալների հետ եւ գիտի նրա պատրաստակամության մասին: «Բարսելոնա» տեղափոխության համար Օզիլը մինչեւ օրս չի պայմանավորվում մյուս ակումբների հետ:
Ավելի վաղ բրիտանական մամուլում լուրեր էին շրջանառվում, որ գերմանացու ծառայություններով հետաքրքրված է նաեւ «Մանչեսթեր Յունայթեդի» գլխավոր մարզիչ Ժոզե Մոուրինյոն, որը նրա հետ աշխատել է Մադրիդի «Ռեալում»: «Արսենալի» հետ Օզիլի գործող պայմանագիրն ավարտվում է այս մրցաշրջանի վերջում:
Հետևեք NEWS.am SPORT-ին Facebook-ում, Twitter և Telegram-ում