Եվրոպական մամուլում նախօրեին լուրեր էին հայտնվել, թե Մադրիդի «Ռեալի» պորտուգալացի հարձակվող Կրիշտիանու Ռոնալդուի որդին Ինստագրամում հրապարակել է Լիոնել Մեսիի հետ իր ձեռքսեղմումի լուսանկարը՝ գրառելով. «Շնորհակալություն, իմ կուռք»:
Դրանից հետո @mrahunter (Cristiano Junior) Ինստագրամի էջն արգելափակվել է:
El Pais-ը Ռոնալդուին մոտ կանգնած աղբյուրներից ճշտել է, որ 32-ամյա ֆուտբոլիստը չգիտի ո՛չ այդ էջի, ո՛չ էլ դրա փակվելու մասին: Պորտուգալիայի հավաքականի ավագի մտերիմները հայտնել են, որ նրա որդու միակ էջն Ինստագրամում @cr7jr-ն է:
Այնուամենայնիվ, @mrahunter էջը 24 ժամում հավաքել է մոտ 80 հազար հետեւորդ:
Կրիշտիանու Ռոնալդուն Ինստագրամում ունի 116 միլիոն հետեւորդ:
Հետևեք NEWS.am SPORT-ին Facebook-ում, Twitter և Telegram-ում