Հայաստանը ներկայացնող Մանուել Պետրոսյանը դարձել է Իտալիայի Տարվիզիո քաղաքում անցկացված շախմատի աշխարհի մինչեւ 20 տարեկանների առաջնության փոխչեմպիոն:
Վերջին տուրում հայ շախմատիստը սեւերով 33-րդ քայլում հաղթեց ռուս գրոսմայստեր Կիրիլ Ալեքսեենկոյին եւ մրցաշարն ավարտեց 8.5 միավորով:
Չեմպիոնի տիտղոսը նվաճած նորվեգացի Արյան Տարին ու բրոնզե մեդալակիր Չիթամբարամ Արավինդը (Հնդկաստան) եւս հավաքեցին 8.5 միավոր:
Հայաստանի մյուս ներկայացուցիչներ Հայկ Մարտիրոսյանը 7.5 միավորով գրավեց 16-րդ տեղը, իսկ Տիգրան Հարությունյանը 6.5 միավորով 43-րդն էր:
Հետևեք NEWS.am SPORT-ին Facebook-ում, Twitter և Telegram-ում