Պորտուգալիայի հավաքականի ավագ Կրիշտիանու Ռոնալդուն, գոլի հեղինակ դառնալով Անդորրայի դեմ աշխարհի առաջնության ընտրական փուլի նախավերջին տուրի խաղում, ազգային թիմում գոլերի քանակը հասցրել է 79-ի:
Մադրիդի «Ռեալի» հարձակվողն ազգային հավաքականների պատմության լավագույն ռմբարկուների ցուցակում հավասարվել է երրորդ տեղում գտնվող զամբիացի Գոդֆրի Չիտալին, հայտնում է Goal.com-ը:
Ցուցակը գլխավորում է իրանցի Ալի Դաեին, որը Իրանի հավաքականում խփել է 109 գոլ: Երկրորդ տեղում է հունգարացի լեգենդար հարձակվող Ֆերենց Պուշկաշը՝ 84 գոլ: Ռոնալդուն շրջանցեց Հուսեյն Սաիդին, որն Իրաքի հավաքականի կազմում դարձել է 78 գոլի հեղինակ: 5-րդ տեղում բրազիլացի լեգենդար հարձակվող Պելեն է 77 գոլով:
Հիշեցնենք, որ Անդորրայում կայացած խաղում Ռոնալդուն փոխարինման էր դուրս եկել ընդմիջմանը, իսկ 63-րդ րոպեին բացել էր հաշիվը: Պորտուգալացիները հաղթել էին 2:0 հաշվով:
Հետևեք NEWS.am SPORT-ին Facebook-ում, Twitter և Telegram-ում