Ֆուտբոլի Խորվաթիայի ազգային հավաքականի գլխավոր մարզիչի պաշտոնում տեղի է ունեցել փոփոխություն, հայտնում է երկրի ֆուտբոլային միության կայքը:
Անտե Չաչիչը զբաղեցրած պաշտոնից հեռացվել է աշխարհի առաջնության ընտրական փուլի նախավերջին տուրում Ֆինլանդիայի հավաքականի հետ տնային ոչ ոքիից (1:1) հետո: Նրան փոխարինել է 50-ամյա Զլատկո Դալիչը, որի նախորդ աշխատավայրը եղել է ԱՄԷ-ն ներկայացնող «Ալ Այնը»:
ԱԱ-2018-ի ընտրական փուլի վերջին տուրում խորվաթները Կիեւում կմրցեն Ուկրաինայի հավաքականի հետ:
Անտե Չաչիչը Խորվաթիայի հավաքականը գլխավորում էր 2015-ից:
Հետևեք NEWS.am SPORT-ին Facebook-ում, Twitter և Telegram-ում