Ֆուտբոլի եվրոպական Չեմպիոնների լիգայում ավարտվեց երկրորդ տուրը: Երկրորդ օրը խաղացին A, B, C եւ D խմբերում ընդգրկված թիմերը:
«Մանչեսթեր Յունայթեդը» Մոսկվայում 4:1 հաշվով հաղթեց ԲԿՄԱ-ի: Անգլիական թիմի մեկնարկային կազմում էր Հայաստանի հավաքականի կիսապաշտպան Հենրիխ Մխիթարյանը, որը 50-րդ հանդիպումն անցկացրեց «Մանչեսթեր Յունայթեդը»: Հայ ֆուտբոլիստը դարձավ գոլի հեղինակ: Երկրորդ գոլը խփեց ֆրանսիացի Անտոնի Մարտիալը, որը իրացրեց Հենրիխ Մխիթարյանի վաստակած 11 մետրանոցը: Դուբլի հեղինակ դարձավ բելգիացի Ռոմելու Լուկակուն: «Մանչեսթեր Յունայթեդը» A խմբի առաջատարն է՝ 6 միավոր: Շվեյցարական «Բազելն» ու ԲԿՄԱ-ն ունեն 3-ական միավոր:
B խմբում ֆրանսիական ՊՍԺ-ն ընդունեց Մյունխենի «Բավարիային»եւ առավելության հասավ 3:0 հաշվով: Գոլով եւ գոլային փոխանցմամբ աչքի ընկավ բրազիլացի Նեյմարը: ՊՍԺ-ն վաստակել է 6 միավոր, «Բավարիան» ու «Սելթիկը»՝ 3-ական:
D խմբում «Բարսելոնան» Լիսաբոնում նվազագույն հաշվով հաղթեց «Սպորտինգին» եւ ունի 6 միավոր: «Յուվենտուսն» ուժեղ էր հունական «Օլիմպիակոսից»՝ 2:0: Իտալիայի չեմպիոնները վաստակել են 3 միավոր:
Չեմպիոնների լիգա, երկրորդ տուր
A խումբ
«ԲԿՄԱ Մոսկվա» - «Մանչեսթեր Յունայթեդ»՝ 1:4
Կոնստանտին Կուչաեւ, 90 - Ռոմելու Լուկակու, 4, 27, Անտոնի Մարտիալ, 19, 11մ, Հենրիխ Մխիթարյան, 57
«Բազել» - «Բենֆիկա»՝ 5:0
Միխայել Լանգ, 2, Դիմիտրի Օբերլին, 20, 69, Ռիկի վան Վոլֆսվինկել, 59, 11մ, Բլաս Ռիվերոս, 76
Հեռացում՝ Անդրե Ալմեյդա («Բենֆիկա»), 62
B խումբ
«Անդերլեխտ» - «Սելթիկ»՝ 0:3
Լի Գրիֆիտս, 38, Կարա Մբոջի, 50, ինքնագոլ, Սքոթ Սինքլեր, 90+2
ՊՍԺ - «Բավարիա»՝ 3:0
Դանիել Ալվես, 2, Էդինսոն Կավանի, 31, Նեյմար, 63
C խումբ
«Աթլետիկո Մադրիդ» - «Չելսի»՝ 1:2
Անտուան Գրիզման, 40 - Ալվարո Մորատա, 60, Բատշուայի, 90+4
«Ղարաբաղ» - «Ռոմա»` 1:2
Պեդրո Էնրիկե, 28 – Կոստաս Մանոլաս, 7, Էդին Ջեկո, 15
D խումբ
«Յուվենտուս» - «Օլիմպիակոս»՝ 2:0
Գոնսալո Իգուաին, 69, Մարիո Մանջուկիչ, 80
«Սպորտինգ» - «Բարսելոնա»՝ 0:1
Սեբաստիան Կոատես, 49, ինքնագոլ
Հետևեք NEWS.am SPORT-ին Facebook-ում, Twitter և Telegram-ում