Մադրիդի «Ռեալի» պաշտպան Դանի Կարվախալը Դորտմունդի «Բորուսիայի» դեմ Չեմպիոնների լիգայի երկրորդ տուրի հանդիպումից առաջ նշել է, որ չգիտի մրցաշրջանի մեկնարկում շատ գոլեր բաց թողնելու պատճառը:
«Ցավոք, ես դեռ ոչ մի անգամ չեմ հաղթել այս ստադիոնում: Չեմ կասկածում, որ «Բորուսիան» կձգտի առավելագույն խնդիրներ ստեղծել մեզ համար նաեւ այս անգամ:
Մենք այնքան էլ լավ չէինք խաղում վերջին շրջանում, անհաջողություններ ունեցանք առաջնությունում, քիչ պահեր էինք ստեղծում: Լավագույն մարզավիճակը վերադարձնելու համար ժամանակ է պետք: Եթե ես իմանայի, թե ինչու ենք շատ գոլեր բաց թողնում, կասեի մարզիչին: Մենք պետք է շատ աշխատենք:
Ոչ ոք չի կասկածում Ռոնալդուի հնարավորություններին: Անցած մրցաշրջանում մենք հաճույք էինք ստանում նրա խաղից նույնիսկ մարզումների ժամանակ: Նրան առանձնահատուկ է դարձնում ծանր մարզումներն ու գոլերը: Նա անպայման կստանա իր շանսը եւ կօգտագործի այն նաեւ այս մրցաշրջանում»,- Կարվախալի խոսքը մեջբերում է ՈւԵՖԱ-ի մամուլի ծառայությունը:
«Բորուսիա» - «Ռեալ» հանդիպումը տեղի կունենա սեպտեմբերի 26-ին եւ կմեկնարկի Երեւանի ժամանակով 22:45-ին:
Հետևեք NEWS.am SPORT-ին Facebook-ում, Twitter և Telegram-ում