ՊՍԺ-ի նորեկ Նեյմարը փարիզյան ակումբի կազմում նորամուտը կնշի «Գենգամի» դեմ Ֆրանսիայի առաջնության երկրորդ տուրի խաղում: Բրազիլացի հարձակվողն ընդգրկվել է մեկնարկային կազմում:
ՊՍԺ. Արելոա, Դանի Ալվես, Մարկինյոս, Տյագո Սիլվա, Կյուրզավա, Վերատի, Մոտա, Ռաբիո, Դի Մարիա, Նեյմար, Կավանի:
Օգոստոսի 13-ին Գենգամում կայանալիք խաղը կսկսվի Երեւանի ժամանակով 23:00-ին:
Հիշեցնենք, որ 25-ամյա բրազիլացուն ձեռք բերելու համար ՊՍԺ-ն 222 միլիոն եվրո է վճարել «Բարսելոնային»: Նեյմարը դարձավ պատմության ամենաթանկ ֆուտբոլիստը: Նախորդ ռեկորդը պատկանում էր ֆրանսիացի կիսապաշտպան Պոլ Պոգբային, որը 105 միլիոն եվրոյով էր Թուրինի «Յուվենտուսից» տեղափոխվել անգլիական «Մանչեսթեր Յունայթեդ»:
Հետևեք NEWS.am SPORT-ին Facebook-ում, Twitter և Telegram-ում