14:23  +04,  21 հուլիսի, 2017

ԵԱ. Հայաստանի թիմը հաղթեց Ադրբեջանին

Ռումինիայում ավարտվին մոտեցող բասկետբոլի տղամարդկանց Եվրոպայի մինչեւ 20 տարեկանների B դիվիզիոնի առաջնության 17-րդ տեղի համար խաղում Հայաստանի երիտասարդական հավաքականը հաղթեց Ադրբեջանի թիմին: Գրանցվեց 82:80 հաշիվը (25:15, 17:27, 20:13, 20:25)

Առաջին քառորդում 10 միավորի առավելությամբ հաղթեց հայկական թիմը, իսկ երկրորդում նույն տարբերությամբ ուժեղ գտնվեցին ադրբեջանցիները: Ընդմիջումից հետո Հայաստանի հավաքականը կարողացավ հաղթանակ կորզել: Հանդիպման վերջին վայրկյաններն անցան լարված պայքարում: Հայաստանի թիմն ուներ մեկ միավորի առավելություն, որը պահպանեց եւ ավելացրեց եւս մեկով:

Հիշեցնենք, որ հայ բասկետբոլիստները խմբային փուլի 4 խաղերից երեքում պարտվել էին Ֆինլանդիայի (69:95), Բելառուսի (56:67) եւ Բելգիայի (74:87) թիմերին եւ միակ հաղթանակը տարել էին խմբի առաջատար Լեհաստանի նկատմամբ (56:45)։ Վիգեն Էսկիջյանի գլխավորած թիմն «Ա» ենթախմբում գրավել էր վերջին՝ 5-րդ տեղը։

Հետևեք NEWS.am SPORT-ին Facebook-ում և Twitter-ում


Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

  • Լրահոս
  • Հարցում
Քվեարկել են (13)
  • Ֆեյսբուք
  • NEWS.am Sport Exclusive
  • Արխիվ