16:30  +04,  16 հունիսի, 2017

Հանդբոլի Հայաստանի հավաքականը չորրորդ պարտությունը կրեց Բուլղարիայում

Բուլղարիայում ավարտին մոտեցող Հանդբոլի միջազգային ֆեդերացիայի անդամ զարգացող երկրների տղամարդկանց հավաքականների առաջնությունում Հայաստանի թիմը պարտություն կրեց նաեւ չորրորդ խաղում: Մրցակցին էր Ադրբեջանի հավաքականը, որը հաղթեց 39:21 հաշվով:

Առաջին խաղակեսից հետո ադրբեջանցիները ստացել էին 14 գոլի առավելություն (21:7): Ընդմիջումից հետո հայկական թիմը հավասարեցրեց խաղը, բայց երկրորդ կեսում պարտվեց 14:18 հաշվով:

Հանդիպումն անցավ առանց միջադեպերի, իսկ վերջում խաղացողներն իրար ձեռք սեղմեցին:

Հիշեցնենք, որ նախորդ 3 խաղերում հայ հանդբոլիստները D խմբում պարտվել էին Ֆարերյան կղզիների (6:44), Մոլդովայի (13:46) եւ Չինաստանի (12:43) հավաքականներին:

Երկրորդ անգամ անցկացվող մրցաշարին մասնակցում է 16 երկրի հավաքական:

Հետևեք NEWS.am SPORT-ին Facebook-ում և Twitter-ում


Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

  • Լրահոս
  • Հարցում
Քվեարկել են (12)
  • Ֆեյսբուք
  • NEWS.am Sport Exclusive
  • Արխիվ