Բելառուսի մայրաքաղաք Մինսկում ընթացող շախմատի Եվրոպայի անհատական առաջնության չորրորդ տուրում Հայաստանի ներկայացուցիչներից Արտաշես Մինասյանը երեք հաղթանակներից հետո սպիտակներով պարտվեց ուկրաինացի Յուրի Կուզուբովին, որը չորրորդ հաղթանակի շնորհիվ միանձնյա գլխավորեց մրցաշարային աղյուսակը:
Մինասյանը 3 միավորով բաժանում է 20-74-րդ տեղերը: Հայաստանի շախմատիստներից 3-ական միավոր ունեն նաեւ Արման Փաշիկյանը, Տիգրան Հարությունյանը, Հովհաննես Գաբուզյանը, Մանուել Պետրոսյանը, Գաբրիել Սարգսյանը, Արման Միքայելյանը:
Ավելի բարձր արդյունք ունի եւ 2-19-րդ տեղերն է բաժանում Հրանտ Մելքումյանը՝ 3.5 միավոր:
Հետևեք NEWS.am SPORT-ին Facebook-ում, Twitter և Telegram-ում