ԵԱ. Հովհաննես Գաբուզյանն ու Արտաշես Մինասյանն՝ առաջատարների թվում

Բելառուսի մայրաքաղաք Մինսկում ընթացող շախմատի Եվրոպայի անհատական առաջնության երկրորդ տուրում Հայաստանի ներկայացուցիչներից հաղթանակներ են տարել Հովհաննես Գաբուզյանը, Արտաշես Մինասյանը, Գաբրիել Սարգսյանը, Սամվել Տեր-Սահակյանը, Արթուր Դավթյանը, Վահե Բաղդասարյանը, Արման Միքայելյանը:

Հովհաննես Գաբուզյանն ու Արտաշես Մինասյանը երկուական հաղթանակից հետո 1-44-րդ տեղը բաժանող առաջատարների թվում են:

Եվրոպայի անհատական առաջնությունը ընտրական փուլ է 2017-ի աշխարհի գավաթի խաղարկության համար: Ըստ ՖԻԴԵ-ի կանոնադրության ու Շախմատի Եվրոպական Միության խորհրդի որոշման՝ ընտրվելու է 22 մասնակից:

Մրցաշարի խաղային օրերն են՝ մայիսի 30-ից հունիսի 3-ը ու հունիսի 5-10-ը: Հունիսի 4-ը հանգստյան օր է: 1-10-րդ տուրերի պարտիաների մեկնարկը Երեւանի ժամանակով 16:30-ին: Վերջին տուրինը կսկսվի Երեւանի ժամանակով 12:00-ին:

Հետևեք NEWS.am SPORT-ին Facebook-ում, Twitter և Telegram-ում