Լեւերկուզենի «Բայերի» հարձակվող Չիչարիտոն դարձել է ֆուտբոլի Մեքսիկայի հավաքականի պատմության լավագույն ռմբարկուն: Խորվաթիայի հավաքականի դեմ ընկերական խաղում (1:2) 28-ամյա Չիչարիտոն 47-րդ գոլն է խփել ազգային թիմի կազմում, հայտնում է Մեքսիկայի ֆուտբոլի ֆեդերացիան:
Մինչեւ այդ Մեքսիկայի հավաքականի պատմության լավագույն ռմբարկուն էր 2010-ին կարիերան ավարտած Հարեդ Բորգետին, որը խփել է 46 գոլ:
Չիչարիտոն 2009-ին է նորամուտը նշել Մեքսիկայի հավաքականում, որի կազմում անցկացրել է 91 հանդիպում:
Հետևեք NEWS.am SPORT-ին Facebook-ում, Twitter և Telegram-ում