Մադրիդի «Ռեալի» իսպանացի հարձակվող Ալվարո Մորատան մոտ է իտալական «Միլան» տեղափոխվելուն:
Sky Sport Italia-ն գրում է, որ 24-ամյա ֆուտբոլիստը մերժել է «Մանչեսթեր Յունայթեդին»՝ չնայած անգլիական ակումբի գլխավոր մարզիչ Ժոզե Մոուրինյոյի հետ հեռախոսազրույցին: Մորատան ցանկանում է վերադառնալ Իտալիա, որտեղ 2014-2016-ը խաղացել է Թուրինի «Յուվենտուսի» կազմում:
Միլանցիներն իտալացուն առաջարկում են 5-ամյա պայմանագիր՝ տարեկան 7.5 միլիոն եվրո աշխատավարձով: «Ռեալը» նրա տրանսֆերային արժեքը գնահատում է 80 միլիոն եվրո, իսկ «Միլանը» պատրաստ է վճարել 60 միլիոն:
Այս մրցաշրջանում Մորատան Արքայական ակումբի կազմում անցկացրել է 42 հանդիպում եւ դարձել 20 գոլի ու 5 գոլային փոխանցման հեղինակ:
Հետևեք NEWS.am SPORT-ին Facebook-ում, Twitter և Telegram-ում