Ռիո-2016-ի օլիմպիական փոխչեմպիոն Միհրան Հարությունյանը Լոնդոնում հանդիպել է «Մանչեսթեր Յունայթեդի» եւ Հայաստանի հավաքականի կիսապաշտպան Հենրիխ Մխիթարյանի հետ:
«Համաշխարհային ֆուտբոլի աստղ: Շնորհակալություն Հենրիխ Մխիթարյանին այսպիսի ջերմ ընդունելության համար: Հաջողություն քեզ՝ առանց վնասվածքների եւ շատ տիտղոսներով»,- ֆեյսբուքյան էջում գրել է 28-ամյա ըմբիշը՝ տեղադրելով Հենրիխ Մխիթարյանի հետ լուսանկար:
Հիշեցնենք, որ մայիսի 7-ին՝ Երեւանի ժամանակով 19:00-ին, Լոնդոնում կայանալու է «Արսենալ» - «Մանչեսթեր Յունայթեդ» ֆուտբոլի Անգլիայի առաջնության 36-րդ տուրի խաղը, որում Հենրիխ Մխիթարյանը կխաղա հյուրերի մեկնարկային կազմում:
Հետևեք NEWS.am SPORT-ին Facebook-ում, Twitter և Telegram-ում