ՖԻԴԵ Գրան պրի. Լեւոն Արոնյանը շարունակում է ոչ ոքիների շարքը

Հայկական շախմատի առաջատար Լեւոն Արոնյանը 7-րդ անընդմեջ ոչ ոքին խաղաց Արաբական Միացյալ Էմիրությունների Շարջա քաղաքում ընթացող ՖԻԴԵ Գրան պրի շարքի առաջին մրցաշարում: 7-րդ տուրում Արոնյանի մրցակիցն էր  հունգարացի Ռիչարդ Ռապորտը, որի դեմ հայ գրոսմայստերը խաղաց սեւերով: Լեւոն Արոնյանն ունի 3.5 միավոր եւ մեկական միավոր զիջում է առաջատարներ ֆրանսիացի Մաքսիմ Վաշյե-Լագրավին ու ադրբեջանցի Շաքրիյար Մամեդյարովին: Նրա հաջորդ մրցակիցը դեռ հայտնի չէ:

Հիշեցնենք, որ շվեյցարական մրցակարգով, 9 տուրով մրցաշարին մասնակցում է 18 շախմատիստ՝ Վաշյե-Լագրավ (Ֆրանսիա, 2796), Արոնյան (Հայաստան, 2785), Նակամուրա (ԱՄՆ, 2785), Մամեդյարով (Ադրբեջան, 2766), Դին Լիժեն (Չինաստան, 2760), Էլյանով (Ուկրաինա, 2759), Ադամս (Անգլիա, 2751), Նեպոմնյաշչի (Ռուսաստան, 2749), Գրիշչուկ (Ռուսաստան, 2742), Լի Չաո (Չինաստան, 2720), Տոմաշեւսկի (Ռուսաստան, 2711), Յակովենկո (Ռուսաստան, 2709), Վալյեխո (Իսպանիա, 2709), Ռապորտ (Հունգարիա, 2692), Ռյազանցեւ (Ռուսաստան, 2691), Սալեմ (ԱՄԷ, 2656), Հոու Իֆան (Չինաստան, 2651), Համեր (Նորվեգիա, 2628): Մրցաշարը կավարտվի փետրվարի 27-ին:

Հետևեք NEWS.am SPORT-ին Facebook-ում, Twitter և Telegram-ում