Հայ գրոսմայստեր Գաբրիել Սարգսյանը դարձավ Հունաստանի Ռետիմնո քաղաքում կայացած շախմատային բաց մրցաշարի հաղթող:
Մրցաշարի վերջին՝ 9-րդ տուրում հայ գրոսմայստերը սպիտակներով ոչ ոքի խաղաց իսպանացի Իվան Լոպես Սալգադոյի հետ եւ, վաստակելով 7.5 միավոր, պահպանեց առաջին տեղը: Գաբրիել Սարգսյանը մրցաշարն ավարտեց առանց պարտության:
Երկրորդից երրորդ տեղերը բաժանեցին ուկրաինացի Յուրի Կրիվոռուչկոն եւ ռուսաստանցի Անդրեյ Ռիչագովը, որոնք վաստակել են 7-ական միավոր:
Հետևեք NEWS.am SPORT-ին Facebook-ում, Twitter և Telegram-ում