Աշխարհի առաջնություն. Եզրափակիչում՝ Ֆրանսիա - Նորվեգիա

Հանդբոլի տղամարդկանց աշխարհի 2017թ. չեմպիոնի տիտղոսը կվիճարկեն Ֆրանսիայի եւ Նորվեգիայի հավաքականները:

Ֆրանսիայում ավարտին մոտեցող աշխարհի առաջնության կիսաեզրափակիչում տանտերերը 31:25 հաշվով հաղթել են Սլովենիայի հավաքականին, իսկ նորվեգացիները լրացուցիչ ժամանակում ուժեղ են գտնվել Խորվաթիայի թիմից՝ 28:25:

Հիշեցնենք, որ Ռիո-2016 Օլիմպիական խաղերի հաղթող Դանիայի հավաքականը 1/8 եզրափակիչում պարտվել էր Հունգարիային, որին հաջորդ փուլում հաղթել էր Նորվեգիայի թիմը: Աշխարհի չեմպիոնի տիտղոսը պաշտպանում է Ֆրանսիայի հավաքականը:

Աշխարհի առաջնության եզրափակիչը տեղի կունենա հունվարի 29-ին:

Հետևեք NEWS.am SPORT-ին Facebook-ում, Twitter և Telegram-ում