Հայաստանի հավաքականի եւ «Մանչեսթեր Յունայթեդի» կիսապաշտպան Հենրիխ Մխիթարյանը երկրպագուներին շնորհակալություն է հայտնել իր ծննդյան օրվա առթիվ ստացած բարեմաղթանքների համար, ինչպես նաեւ Ուեյն Ռունիին շնորհավորել է անգլիական ակումբի պատմության լավագույն ռմբարկուն դառնալու առթիվ:
«Սրտանց շնորհակալ եմ բարեմաղթանքների համար: Եթե նույնիսկ այսօր չհասանք ցանկալի արդյունքի, մենք կպայքարենք ու հնարավոր ամեն բան կանենք այս ակումբի եւ հրաշալի երկրպագուների համար: Ուեյն Ռունիին շնորհավորում եմ 250-րդ գոլի առթիվ»,- ֆեյսբուքյան էջում գրել է Մխիթարյանը, որը հունվարի 21-ին նշում էր ծննդյան 28-րդ տարեդարձը:
Հիշեցնենք, որ «Սթոք Սիթիի» հետ արտագնա խաղում (1:1) Հենրիխ Մխիթարյանը մեկնարկային կազմում հանդես եկավ 73 րոպե: Փոխարինման դուրս եկած 31-ամյա Ռունին հյուրերի պատասխան գոլը խփեց 94-րդ րոպեին՝ 250 գոլով դառնալով «Մանչեսթեր Յունայթեդի» պատմության լավագույն ռմբարկուն: Նախորդ ռեկորդը պատկանում էր անգլիացի լեգենդար հարձակվող Բոբի Չարլթոնին, որը մանչեսթերյան ակումբում խփել էր 249 գոլ:
Հետևեք NEWS.am SPORT-ին Facebook-ում, Twitter և Telegram-ում
00:58 , 27 ապրիլի 
23:53 , 26 ապրիլի 
22:24 , 26 ապրիլի 
21:56 , 26 ապրիլի 
21:43 , 26 ապրիլի 
21:32 , 26 ապրիլի 
21:11 , 26 ապրիլի 
21:02 , 26 ապրիլի 
20:43 , 26 ապրիլի 
19:38 , 26 ապրիլի 
