London Chess Classic. Լեւոն Արոնյանի չորրորդ անընդմեջ ոչ ոքին

London Chess Classic  սուպերմրցաշարի 5-րդ տուրում հայկական շախմատի առաջատար Լեւոն Արոնյանը սպիտակներով մրցեց հոլանդացի Անիշ Գիրիի հետ: Արդեն 20-րդ քայլում գրոսմայստերները համաձայնեցին ոչ ոքի արդյունքի: Լեւոն Արոնյանը վաստակել է 3 միավոր: Միանձնյա առաջատար, ամերիկացի Ուեսլի Սոն սպիտակներով միավորը կիսեց աշխարհի նախկին չեմպիոն, հնդիկ Վիշվանաթան Անանդի հետ եւ ունի 3.5 միավոր:

Հիշեցնենք, որ առաջին տուրում անգլիացի Մայքլ Ադամսին հաղթելուց հետո Լեւոն Արոնյանը ոչ ոքի էր խաղացել նաեւ ռուսաստանցի Վլադիմիր Կրամնիկի, Ուեսլի Սոի, ամերիկացի Ֆաբիանո Կարուանայի հետ: Կանցկացվի 9 տուր: Վերջին տուրը դեկտեմբերի 18-ին է:

London Chess Classic, 5-րդ տուր

Լեւոն Արոնյան (Հայաստան) - Անիշ Գիրի (Հոլանդիա)՝ 0.5:0.5

Ուեսլի Սո (ԱՄՆ) - Վիշվանաթան Անանդ (Հնդկաստան)՝ 0.5:0.5

Մաքսիմ Վաշյե-Լարգավ (Ֆրանսիա) - Ֆաբիանո Կարուանա (ԱՄՆ) ՝ 0.5:0.5

Հիկարու Նակամուրա (ԱՄՆ) - Վլադիմիր Կրամնիկ (Ռուսաստան) ՝ 0.5:0.5

Մայքլ Ադամս (Անգլիա) - Վեսելին Տոպալով (Բուլղարիա)՝ 1:0

Հետևեք NEWS.am SPORT-ին Facebook-ում, Twitter և Telegram-ում