Բելգիայի հավաքականի առաջատարներից Էդեն Ազարի մասնակցությունը հարցականի տակ է Ուելսի դեմ Ֆրանսիայում շարունակվող ֆուտբոլի Եվրոպայի առաջնության քառորդ եզրափակիչի խաղին, հայտնում է BBC-ն:
Լոնդոնի «Չելսիի» կիսապաշտպանն ազդրի մկանային վնասվածքի պատճառով բաց է թողել Բելգիայի հավաքականի նախորդ մարզումը:
«Մենք աշխատում ենք նրա վերականգնման ուղղությամբ: Չեմ կարող կոնկրետ ասել, թե երբ Ազարը կապաքինվի»,- ասել է Բելգիայի հավաքականի գլխավոր մարզիչ Մարկ Վիլմոտսը:
Հիշեցնենք, որ Ուելս - Բելգիա խաղը կկայանա հուլիսի 1-ին Լիլում եւ կսկսվի Երեւանի ժամանակով 23:00-ին:
Հետևեք NEWS.am SPORT-ին Facebook-ում, Twitter և Telegram-ում