Եվրոպայի առաջնություն. Լիլիթ Մկրտչյանը եւ Մարիա Կուրսովան հաղթել են

Ռումինիայում ավարտին մոտեցող շախմատի կանանց Եվրոպայի անահատական առաջնության 9-րդ տուրում Հայաստանի 4 ներկայացուցիչներից հաղթանակ են տարել Լիլիթ Մկրտչյանը եւ Մարիա Կուրսովան:

Լիլիթ Գալոյանը եւ Մարիա Գեւորգյանը պարտություն են կրել երկրորդ տուրն անընդմեջ:

Հայաստանի ներկայացուցիչներից լավագույն արդյունքն ունի Լիլիթ Մկրտչյանը, որը 6.5 միավորով բաժանում 4-6-րդ տեղերը եւ մեկ միավոր է զիջում միանձնյա առաջատար Աննա Ուշենինային (Ուկրաինա): Մարիա Կուրսովան վաստակել է 6 միավոր, իսկ Լիլիթ Գալոյանը եւ Մարիա Գեւորգյանը՝ 3.5-ական: 

Հետևեք NEWS.am SPORT-ին Facebook-ում, Twitter և Telegram-ում