Կոսովոյում շարունակվող շախմատի Եվրոպայի անհատական առաջնությունում ավարտվել է 5-րդ տուրը:
Հայաստանի շախմատիստներից հաղթանակ են տարել Սամվել Տեր-Սահակյանը, Գաբրիել Սարգսյանն ու Արման Փաշիկյանը: Պարտիաները ոչ ոքի են ավարտել Հովհաննես Գաբուզյանը, Մանուել Պետրոսյանը, Ռոբերտ Հովհաննիսյանն ու Զավեն Անդրիասյանը:
Հայաստանի ներկայացուցիչներից լավագույն արդյունքն ունեն Զավեն Անդրիասյանը, Մանուել Պետրոսյանը, Ռոբերտ Հովհաննիսյանը, Սամվել Տեր-Սահակյանը եւ Հրանտ Մելքումյանը: 3.5-ական միավորով նրանք բաժանում են 15-57-րդ տեղերը: Հինգ առաջատարներն ունեն 4.5-ական միավոր: 6-14-րդ տեղերն են բաժանում 4-ական միավոր վաստակած շախմատիստները:
Հետևեք NEWS.am SPORT-ին Facebook-ում, Twitter և Telegram-ում