Հավակնորդների մրցաշար. Մեկնարկում է երկրորդ շրջանը

Շախմատի աշխարհի չեմպիոնի հավակնորդների մրցաշարում մարտի 20-ին մեկնարկում է երկրորդ շրջանը: Հայկական շախմատի առաջատար Լեւոն Արոնյանը 8-րդ տուրում սպիտակներով կմրցի Անիշ Գիրիի հետ: Առաջին տուրում Արոնյանը սեւերով ոչ ոքի է խաղացել հոլանդացի գրոսմայստերի հետ:

Առաջին շրջանից հետո Արոնյանը եւ ռուսաստանցի Սերգեյ Կարյակինը 4.5-ական միավորով գլխավորում են մրցաշարային աղյուսակը եւ կեսական միավոր գերազանցում են լավագույն եռյակը եզրափակող աշխարհի նախկին չեմպիոն, հնդիկ Վիշվանաթան Անանդին:

Հավակնորդների մրցաշար, 8-րդ տուր

Պյոտր Սվիդլեր (Ռուսաստան) - Սերգեյ Կարյակին (Ռուսաստան) 

Ֆաբիանո Կարուանա (ԱՄՆ) - Հիկարու Նակամուրա (ԱՄՆ) 

Լեւոն Արոնյան (Հայաստան) - Անիշ Գիրի (Հոլանդիա)

Վեսելին Տոպալով (Բուլղարիա) - Վիշվանաթան Անանդ (Հնդկաստան)

Մրցաշարային դրությունը 7-րդ տուրից հետո. Կարյակին, Արոնյան՝ 4.5-ական, Անանդ՝ 4, Գիրի, Կարուանա՝ 3.5-ական, Նակամուրա, Սվիդլեր՝ 3-ական, Տոպալով՝ 2:

Հետևեք NEWS.am SPORT-ին Facebook-ում, Twitter և Telegram-ում