13:12  +04,  17 մարտի, 2016

Ներկայացվեց Հայաստանի աերոբիկայի եւ ֆիթնեսի ազգային ասոցիացիան (ֆոտո)

Հայաստանում գործող ֆիթնեսի եւ աերոբիկայի ակումբներն այսօրվանից կհամախմբվեն մեկ կազմակերպության՝ Հայաստանի աերոբիկայի եւ ֆիթնեսի ազգային ասոցիացիայի ներքո: Այս մասին Հայաստանի ֆիթնեսի եւ աերոբիկայի ասոցիացիայի շնորհանդեսի ժամանակ ասաց կազմակերպության նախագահ Մարիամ Վարդանյանը:

«Հայաստանի աերոբիկայի եւ ֆիթնեսի ազգային ասոցիացիան սկսում է իր աշխատանքը՝ նպատակ ունենալով պրոպագանդել առողջ ապրելակերպը: Հայաստանի աերոբիկայի եւ ֆիթնեսի ազգային ասոցիացիան մի համակարգ է, որը կոչված է միավորելու ֆիթնես պրոֆեսիոնալներին, ապահովելու նրանց լիարժեք գիտելիքներով եւ հմտություններով` երաշխավորելով մեր քաղաքացիներին լավագույն ֆիթնես ծայությունների մատուցում: Ֆիթնեսի եւ աերոբիկայի նկատմամբ հանրության հետաքրքրությունը հիմք հանդիսացավ՝ ստեղծելու ֆիթնեսի եւ խմբակային մարզումների, մարզիչների մի ասոցիացիա, որը կարող է փոխանցել բոլոր գիտելիքները եւ նորարարությունները այս բնագավառում, օգնել մարդկանց եւ իրենց ավանդն ունենալ ֆիզիկական կուլտուրայի եւ սպորտի զարգացմանը մեր երկրում:

Ձեւավորել ենք ուսումնամեթոդական բազա, որն անընդհատ թարմանում եւ արդիականանում է: Մշակված է մասնագետների պատրաստման եւ վերապատրաստման համակարգ: Մեզ հետ են համախմբված ֆիթնեսի իսկական պրոֆեսիոնալներ, որոնք իրենց տեղական եւ միջազգային փորձով, էներգիայով պատրաստ են կիսվել նրանց հետ, ովքեր որոշել են ձեռք բերել նոր մասնագիտություն, որը կապված է ֆիթնեսի հետ:

Սերտ կապերի մեջ ենք միջազգային ֆիթնես շարժման հետ եւ հետեւում ենք լավագույն միջազգային նորարարություններին: Ասոցիացիայի նպատակն է աերոբիկայի, խմբակային դասերի եւ ֆիթնեսի զարգացում Հայաստանում, առողջարարական, մասսայական, խմբակային ֆիթնես մարզումների զարգացում, առողջ ապրելակերպի պրոպագանդում, մասսայական, առողջարարական ծրագրերի կազմակերպում, մասնագետների պատրաստում, վերապատրաստում, միջազգային սերտիֆիկացումների, մաստեր-կլասերի, սեմինարների, դասընթացների կազմակերպում

Հայաստանում եւ արտերկրում, կրթական ծրագրերի եւ մասնագիտական գրականության հրատարակչություն, CD/DVD-ների թողարկում: Մենք փորձելու ենք վերահսկել այս ոլորտում գործող մարզիչների գործունեությունը: Հայաստանում օր օրի աճող ֆիթնեսի եւ աերոբիկայի ակումբներում պետք է աշխատեն կրթված մարզիչներ: Օգնելու ենք մարզիչներին վերապատրաստվել, սեմինարների մասնակցել եւ որակավորում ստանալ նախքան ակումբերում մարզիչ աշխատելը:

Ասոցիացիայի գործունեությանը աջակցում է Հայաստանի սպորտի նախարարությունը: Նպատակ ունենք «մուտք գործել» նաեւ պետական եւ ոչ պետական մանկապարտեզներ, միջնակարգ դպրոցներ՝ 2-ից 8 տարեկան երեխաների նախավարժանքներ, մարզումներ իրականացնող դաստիարակներին եւ ուսուցիչներին վերապատրաստելու, մասնագիտական հմտություններին սովորեցնելու համար: Նրանց կհրավիրենք սեմինարների՝ այդ տարիքի երեխաների հետ 10 րոպեանոց վարժություններին, մարզելու ձեւերը յուրացնելու նպատակով: Ասոցիացիան ունի լոգոն եւ արդեն գործում է նաեւ կայքը՝ armfitness.am»,- ներկայացրեց ասոցիացիայի նախագահ Մարիամ Վարդանյանը:

Լուսինե Շահբազյան

Լուսանկարներն՝ Էմմա Ասատրյանի

Հետևեք NEWS.am SPORT-ին Facebook-ում և Twitter-ում


Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

  • Լրահոս
  • Հարցում
Քվեարկել են (12)
  • Ֆեյսբուք
  • NEWS.am Sport Exclusive
  • Արխիվ