Հայաստանի հավաքականի ու Դորտմունդի «Բորուսիայի» կիսապաշտպան Հենրիխ Մխիթարյանը «Հոֆենհայմի» դեմ Գերմանիայի առաջնության 23-րդ տուրի հաղթական խաղում գոլի ու գոլային փոխանցման հեղինակ դառնալուց հետո կիսվել է տպավորություններով:
«Իսկապես, հիանալի էր հաղթել այս խաղում: Զգացողությունները հրաշալի էին մինչեւ վերջ»,- ֆեյսբուքյան էջում գրել է Մխիթարյանը:
Opta Sports-ի համաձայն՝ ընթացիկ մրցաշրջանում Մխիթարյանը գերմանական ակումբի կազմում մասնակցել է 37 խաղի՝ դառնալով 19 գոլի ու 19 գոլային փոխանցման հեղինակ:
Հետևեք NEWS.am SPORT-ին Facebook-ում, Twitter և Telegram-ում