«Ռեալում» Զիդանի առաջին պարտությունը՝ մադրիդյան դերբիում

Ֆուտբոլի Իսպանիայի առաջնության 26-րդ տուրում կայացավ մադրիդյան դերբին: Լավագույն եռյակը եզրափակող «Ռեալն» ընդունեց երկրորդ տեղում գտնվող «Աթլետիկոյին» եւ պարտվեց նվազագույն հաշվով: Դիեգո Սիմեոնեի թիմի հաղթական գոլը երկրորդ խաղակեսում խփեց ֆրանսիացի հարձակվող Անտուան Գրիզմանը:

«Աթլետիկոն» դարձավ առաջին ակումբը, որը Պրիմերայում 3 անընդմեջ արտագնա հաղթանակ է տանում Արքայական ակումբի նկատմամբ:

«Ռեալն» առաջին պարտությունը կրեց Զինեդին Զիդանի գլխավորությամբ եւ շարունակում է 9 միավոր զիջել առաջատար «Բարսելոնային», որը մեկ խաղ էլ պակաս է անցկացրել: «Աթլետիկոն» կատալոնական ակումբից հետ է 4 միավոր:

Իսպանիայի առաջնություն, 26-րդ տուր

«Ռեալ» - «Աթլետիկո»՝ 0:1

Անտուան Գրիզման, 63

«Ռեալ». Նավաս, Կարվախալ, Վարան, Ռամոս, Դանիլո, Կրոս, Մադրիչ, Խամես Ռոդրիգես (Լուկաս Վասկես, 57), Իսկո (Խեսե, 70), Ռոնալդու, Բենզեմա (Բորխա Մայորալ, 46):

«Աթլետիկո». Օբլակ, Խուանֆրան, Գոդին, Խիմենես, Ֆիլիպե Լուիս, Աուգուստո Ֆերնանդես (Մաթիաս Կրանեւիտեր, 77), Գաբի, Կոկե, Սաուլ Նյիգես, Գրիզման, Ֆերնանդո Տորես (Կորեա, 81):

Հետևեք NEWS.am SPORT-ին Facebook-ում, Twitter և Telegram-ում