Ֆուտբոլի Գերմանիայի առաջնության 21-րդ տուրում Դորտմունդի «Բորուսիան» Հայաստանի հավաքականի կիսապաշտպան Հենրիխ Մխիթարյանի գեղեցիկ գոլի շնորհիվ նվազագույն հաշվով տնային հաղթանակ տարավ հետնապահ «Հանովերի» նկատմամբ:
Առանց Բունդեսլիգայի լավագույն ռմբարկու Պյեր-Էմերիկ Օբամեյանգի խաղադաշտ դուրս եկած դորտմունդցիները մեծ առավելություն ունեին խաղի հենց մեկնարկից, սակայն առաջին խաղակեսում չստեղծեցին իրական գոլային պահեր: Թիմերն ընդմիջման գնացին 0:0 հաշվի ժամանակ, իսկ երկրորդ խաղակեսում գրանցվեց մեկ գոլ: 57-րդ րոպեին Հենրիխ Մխիթարյանը խաղը վերցրեց իր վրա եւ գեղեցիկ հարվածով 8-րդ գոլը խփեց Գերմանիայի ընթացիկ առաջնությունում, որում անցկացրեց 19-րդ հանդիպումը: Մեկնարկային կազմում խաղադաշտ դուրս եկած Մխիթարյանը փոխարինվեց 75-րդ րոպեին, իսկ «Բորուսիան» առանց խնդիրների պահպանեց հաղթական հաշիվը:
Թոմաս Տուխելի թիմը երկրորդ տեղում է եւ 5 միավոր զիջում է առաջատար Մյունխենի «Բավարիային», որը մեկ խաղ պակաս է անցկացրել:
Գերմանիայի առաջնություն, 21-րդ տուր
«Բորուսիա Դ.» - «Հանովեր»՝ 1:0
Հենրիխ Մխիթարյան, 57
«Վոլֆսբուրգ» - «Ինգոլշտադտ»՝ 2:0
Յուլիան Դրաքսլեր, 29, Ռոբին Կնոխե, 39
«Դարմշտադտ» - «Բայեր»՝ 1:2
Սանդրո Վագներ, 28 – Այտաչ Սուլու, 62 (ինքնագոլ), Յուլիան Բրանդտ, 77
«Շտուտգարտ» - «Հերտա»՝ 2:0
Սերեյ Դի, 51, Ֆիլիպ Կոստիչ, 84
«Վերդեր» - «Հոֆենհայմ»՝ 1:1
Պապու Ջիլաբոջի, 13 – Անդրեյ Կրամարիչ, 10
Հեռացում՝ Անդրեյ Կրամարիչ, 77 («Հոֆենհայմ»)
«Քյոլն» - «Այնտրախտ Ֆ.»՝ 3:1
Յաննիկ Գերհարդտ, 29, Դոմինիկ Հեյնց, 57, Անտոնի Մոդեստ, 72 – Ալեքսանդր Մեյեր, 72
Հետևեք NEWS.am SPORT-ին Facebook-ում, Twitter և Telegram-ում