Մեսիի վնասվածքն ու Նեյմարի վրիպումը չխանգարեցին «Բարսելոնային»

Իսպանական Պրիմերայի 6-րդ տուրում «Բարսելոնան» սեփական խաղադաշտում 2:1 հաշվով պարտության մատնեց «Լաս Պալմասին»:

Խաղի մեկնարկը հաջող չստացվեց կատալոնացիների համար, քանի որ 10-րդ րոպեին վնասվածքի պատճառով փոխարինվեց արգենտինացի հարձակվող Լիոնել Մեսին: Դա Արգենտինայի հավաքականի ավագի կարիերայի ամենաարագ փոխարինումն էր: Մեսիի բացակայությունը չխանգարեց «Բարսելոնային», որն ուներ մեծ առավելություն եւ հաղթեց Լուիս Սուարեսի դուբլի շնորհիվ: Ուրուգվայցի հարձակվողը գոլ խփեց 25-րդ եւ 54-րդ րոպեներին, իսկ 66-րդ րոպեին բրազիլացի Նեյմարը չկարողացավ անվրեպ իրացնել 11 մետրանոց հարվածը: Խաղի ավարտից 2 րոպե առաջ հյուրերը կրճատեցին հաշիվը, սակայն խաղը փրկել չհաջողվեց:

Այս հաղթանակից հետո «Բարսելոնան» վաստակեց 15 միավոր եւ ժամանակավորապես բաձրացավ առաջին տեղ:

Իսպանիայի առաջնություն, 6-րդ տուր

«Բարսելոնա» - «Լաս Պալմաս»՝ 2:1

Լուիս Սուարես, 25, 54 – Խոնաթան Վիեյրա, 88

Չիրացված 11 մետրանոց՝ Նեյմար, 66 («Բարսելոնա»)

Հետևեք NEWS.am SPORT-ին Facebook-ում, Twitter և Telegram-ում