Բաքվում ընթացող շախմատի աշխարհի գավաթի խաղարկությունում Հայաստանի ներկայացուցիչ Հրանտ Մելքումյանը երկու դասական պարտիաներում 1,5:0,5 հաշվով պարտության մատնեց ամերիկացի Գատա Կամսկուն եւ դուրս եկավ 1/32 եզրափակիչ:
Ավելի վաղ առաջին փուլի արգելքը հաղթահարել էր նաեւ Լեւոն Արոնյանը:
Սամվել Տեր-Սահակյանն ու Գաբրիել Սարգսյանը պայքարը 1/32 եզրափակիչի ուղեգրի համար կշարունակեն թայ-բրեյքում: Երկու դասական պարտիաներն էլ նրանք ավարտել են ոք ոքի: Տեր-Սահակյանի մրցակիցը ռուսաստանցի Նիկիտա Վիտյուգովն է, Գաբրիել Սարգսյանը մրցում է լեհ Մատեուշ Բարտելի հետ:
ԱՄՆ-ի ներկայացուցիչ Սամուել Սեւյանը ադրբեջանցի Թեյմուր Ռաջաբովի հետ երկրորդ պարտիան սպիտակներով եւս ավարտեց ոչ ոքի: Սեպտեմբերի 13-ին շախմատիստները հաղթողին կորոշեն թայ-բրեյքում:
Պայքարից դուրս մնաց ԱՄՆ-ն ներկայացնող Վարուժան Հակոբը, որը երկու դասական պարտիաների արդյունքում 0,5:1,5 հաշվով պարտվեց չեխ Վիկտոր Լազնիցկային:
Հետևեք NEWS.am SPORT-ին Facebook-ում, Twitter և Telegram-ում