18:17  ,  23 հունիսի, 2015

Սամվել Բաբայանը՝ ֆուտբոլի Ուզբեկստանի հավաքականի գլխավոր մարզիչ

Ֆուտբոլի Ուզբեկստանի ազգային հավաքականի գլխավոր մարզիչ է նշանակվել Սամվել Բաբայանը, որը Տաշքենդի «Պախտակորի» գլխավոր մարզիչն է, հայտնում է Ուզբեկստանի ֆուտբոլի ֆեդերացիայի պաշտոնական կայքը։

44-ամյա Սամվել Բաբայանը փոխարինել է Միրջալոլա Կասիմովին, որը երեք տարի զբաղեցնում էր այդ պաշտոնը։

Անցած մրցաշրջանում «Պախտակորը» Սամվել Բաբայանի գլխավորությամբ նվաճել է Ուզբեկստանի չեմպիոնի տիտղոսը։ Սպասվում է, որ առաջիկայում Սամվել Բաբայանը կհեռանա «Պախտակորից» եւ կկենտրոնանա ազգային թիմում աշխատանքի վրա։

Հետևեք NEWS.am SPORT-ին Facebook-ում, Twitter և Telegram-ում