Հայաստանի ազգային հավաքականը հունիսի 12-ին Վազգեն Սարգսյանի անվան «Հանրապետական» ստադիոնում անցկացրեց պորտուգալացիների դեմ Եվրո-2016-ի ընտրական հանդիպման վերջին նախախաղային մարզումը, որի առաջին 15 րոպեներին ներկա էին նաեւ լրագրողները:
Մարզմանը մասնակցեցին հավաքին հրավիրված 25 ֆուտբոլիստներից 23-ը: Բացակայում էին միայն Յուրա Մովսիսյանը եւ Արթուր Միրանյանը: Մոսկվայի «Սպարտակի» հարձակվողը չէր հասցրել վերականգնվել վնասվածքից եւ հետազոտվելու նպատակով մեկնել է ԱՄՆ, իսկ մակեդոնական «Վարդարի» հարձակվողը միացել է Հայաստանի մինչեւ 21 տարեկանների հավաքականին, որն այս օրերին Երեւանում պատրաստվում է Ռումինիայի դեմ Եվրո-2017-ի ընտրական խաղին:
Հայաստան – Պորտուգալիա խաղը կկայանա հունիսի 13-ին Վազգեն Սարգսյանի անվան «Հանրապետական» ստադիոնում եւ կսկսվի ժամը 20:00-ին: Հունիսի 12-ին «Հանրապետականում» մարզվել էր նաեւ Պորտուգալիայի հավաքականը:
Դավիթ Եղիազարյան
Հետևեք NEWS.am SPORT-ին Facebook-ում, Twitter և Telegram-ում
01:02 , 28 օգոստոսի 
00:07 , 28 օգոստոսի 
23:43 , 27 օգոստոսի 
23:31 , 27 օգոստոսի 
22:05 , 27 օգոստոսի 
21:59 , 27 օգոստոսի 
19:07 , 27 օգոստոսի 
18:01 , 27 օգոստոսի 
17:04 , 27 օգոստոսի 
16:05 , 27 օգոստոսի 
