Կոենտրաուն բաց է թողել Պորտուգալիայի հավաքականի մարզումը

Մադրիդի «Ռեալի» պաշտպան Ֆաբիո Կոենտրաուն բաց է թողել Հայաստանի դեմ Եվրո-2016-ի ընտրական խաղին նախապատրաստվող ֆուտբոլի Պորտուգալիայի ազգային հավաքականի երրորդ մարզումը Թբիլիսիում:

A Bola-ի համաձայն՝ 27-ամյա պաշտպանը մարզվել է անհատական ծրագրով՝ մարզասրահում ու լողավազանում: Ֆերնանդու Սանտուշի թիմի մնացած բոլոր ֆուտբոլիստներն ընդհանուր խմբում մասնակցել են հունիսի 10-ին Միխայիլ Մեսխիի անվան ստադիոնում կայացած մարզմանը:

Հիշեցնենք, որ Հայաստան - Պորտուգալիա խաղը կկայանա հունիսի 13-ին Երեւանում: Պորտուգալիայի հավաքականը Թբիլիսիից Երեւան կժամանի հունիսի 11-ին՝ ժամը 18:30-ին, եւ կհանգրվանի «Արմենիա Մարիոթ» հյուրանոցում:

Հետևեք NEWS.am SPORT-ին Facebook-ում, Twitter և Telegram-ում