Աշխարհի նախկին չեմպիոն Վլադիմիր Կրամնիկը չի օգնի շախմատի Ռուսաստանի հավաքականին ապրիլին Հայաստանում կայանալիք աշխարհի թիմային առաջնությունում, ասել է Ռուսաստանի շախմատի ֆեդերացիայի գործադիր տնօրեն Մարկ Գլուխովսկին rsport-ին:
«Կրամնիկը նույն օրերին հանդես կգա Վուգար Գաշիմովի հուշամրցաշարում: Իսկ Ռուսաստանի հավաքականի կազմը կորոշենք մարտի 8-ին ավարտվող Եվրոպայի անհատական առաջնությունից հետո: Հինգ տեղի համար ունենք մինչեւ ութ հավակնորդ»,- ասել է Գլուխովսկին:
2013-ին Թուրքիայում կայացած աշխարհի առաջնությունում Ռուսաստանի հավաքականը Կրամնիկի, Կարյակինի, Գրիշչուկի, Նեպոմնյաշչու եւ Վիտյուգովի ուժերով նվաճել է չեմպիոնի տիտղոսը:
2015թ. աշխարհի առաջնությունը տեղի կունենա ապրիլի 18-ից 29-ը Ծաղկաձորում:
Հետևեք NEWS.am SPORT-ին Facebook-ում, Twitter և Telegram-ում