Ամերիկյան «Նյու Յորք Ռեդ Բուլզից» հեռացած 37-ամյա հարձակվող Թյերի Անրին հայտարարել է ֆուտբոլային կարիերան ավարտելու մասին, տեղեկացնում է BBC-ն:
20 տարվա կարիերայի ընթացքում ֆրանսիացին հանդես է եկել նաեւ «Մոնակոյում», Թուրինի «Յուվենտուսում», Լոնդոնի «Արսենալում» եւ կատալոնական «Բարսելոնայում»: Նա դարձել է Ֆրանսիայի չեմպիոն, Անգլիայի ու Իսպանիայի կրկնակի չեմպիոն եւ Չեմպիոնների լիգայի գավաթակիր: Ակումբային կարիերայում Անրին խփել է 360 գոլ:
Ֆրանսիայի հավաքականի կազմում լեգենդար հարձակվողը մասնակցել է 123 խաղի՝ դառնալով 51 գոլի հեղինակ: Ազգային թիմի հետ նա հռչակվել է աշխարհի (1998) ու Եվրոպայի (2000) չեմպիոն: Ֆրանսիացին 2010-ից էր խաղում «Նյու Յորք Ռեդ Բուլզում»: Թյերի Անրին համարվում է ֆուտբոլի պատմության լավագույն հարձակվողներից մեկը:
Հետևեք NEWS.am SPORT-ին Facebook-ում, Twitter և Telegram-ում
16:21 , 18 մայիսի 
15:17 , 18 մայիսի 
14:15 , 18 մայիսի 
13:12 , 18 մայիսի 
12:04 , 18 մայիսի 
11:09 , 18 մայիսի 
10:05 , 18 մայիսի 
09:03 , 18 մայիսի 
00:47 , 18 մայիսի 
00:08 , 18 մայիսի 
