Դորտմունդի «Բորուսիայի» եւ «Հանովերի» միջեւ գերմանական Բունդեսլիգայի 9-րդ տուրի հանդիպումից հետո Der Westen-ը գնահատել է Յուրգեն Կլոպի թիմի ֆուտբոլիստների խաղը: Հայաստանի հավաքականի կիսապաշտպան Հենրիխ Մխիթարյանն արժանացել է բարձր գնահատականի:
«Հանովերի դեմ խաղում միայն Հենրիխ Մխիթարյանն ու Մարկո Ռոյսն էին համառորեն պայքարում «Բորուսիայի»՝ աստիճանաբար աճող ճգնաժամի դեմ: «Գալաթասարայի» դեմ Չեմպիոնների լիգայի խաղից հետո Մխիթարյանը փորձում էր կրկնել ստամբուլյան հաջողությունը, ինչը նրան հաջողվեց մասնակի: Հենրիխը ակտիվ գրոհում էր, ստեղծում էր խաղի ռիթմը, սակայն որոշ դրվագներում նրա բախտը չէր բերում»,- գրում է Der Westen-ը:
Հիշեցնենք, որ Դորտմունդում «Բորուսիան» չորրորդ անընդմեջ պարտությունը կրեց Բունդեսլիգայում, իսկ Հենրիխ Մխիթարյանը մեկնարկային կազմում խաղաց առանց փոխարինման: Երկրորդ խաղակեսում բախում տեղի ունեցավ նրա եւ թուրք ֆուտբոլիստ Ցեյհում Ղուլսելամի միջեւ: Բախման պատճառով 2 կիսապաշտպանները ստացան դեղին քարտ:
Հետևեք NEWS.am SPORT-ին Facebook-ում, Twitter և Telegram-ում