Ֆորմուլա-1-ի յոթակի չեմպիոն Միխայել Շումախերի վերականգնումը վերահսկած գլխավոր բժիշկը կանխատեսել է, որ լեգենդար ավտոարշավորդի լիարժեք առողջացումը տեղի կունենա երեք տարվա ընթացքում, հաղորդում է itar-tass-ը: Շումախերի բուժումը տնային պայմաններում իրականացնում են 15 բժիշկներ: Առանձնատանը փոքր կլինիկա կահավորելու համար Շումախերի կինը վաճառել էր նրա ինքնաթիռն ու բոլիդը: Շումախերի բուժման շաբաթական ծախսը մոտ 100 հազար ֆունտ ստերլինգ է:
Շումախերի ընտանիքը չի մեկնաբանում Միխայելի առողջական վիճակը: Սակայն դրական փոփոխությունների մասին նշել էր նաեւ Միջազգային ավտոմոբիլային ֆեդերացիայի ղեկավար Ժան Տոդտը, որը վերջերս այցելել էր Միխայել Շումախերին:
Հիշեցնենք, որ 2013թ. դեկտեմբերի 29-ին ֆրանսիական Ալպերում գլխուղեղի վնասվածք ստանալուց եւ կոմայում հայտնվելուց հետո Շումախերը հիվանդանոցում մնաց 8 ամիս: Նա տեղափոխվել է Շվեյցարիայի Գլանդ քաղաքում գտնվող իր առանձնատուն սեպտեմբերին:
Հետևեք NEWS.am SPORT-ին Facebook-ում, Twitter և Telegram-ում