Ֆուտբոլի Ռուսաստանի առաջնության 5-րդ տուրում Մոսկվայի «Դինամոն» ռուս կիսապաշտպան Ալեքսեյ Իոնովի դուբլի շնորհիվ տանը 2:0 հաշվով հաղթեց Եկատերինբուրգի «Ուրալին»:
Դինամոյականների դարպասը պաշտպանում էր Ռոման Բերեզովսկին: Հայաստանի հավաքականի 40-ամյա դարպասապահը հազվադեպ էր մտնում խաղի մեջ, իսկ նրա դարպասի ուղղությամբ հյուրերը չկատարեցին ոչ մի դիպուկ հարված: Վնասվածքից վերականգնվող Էդգար Մանուչարյանի անունը բացակայում էր «Ուրալի» հայտացուցակից, իսկ 24-ամյա Արսեն Հովհաննիսյանը Եկատերինբուրգի թիմի կազմում փոխարինման դուրս եկավ ընդմիջմանը:
«Դինամոն» 12 միավորով հավասարվեց երկրորդ տեղում գտնվող Մոսկվայի «Սպարտակին»:
Ռուսաստանի առաջնություն, 5-րդ տուր
«Դինամո» - «Ուրալ»՝ 2:0
Ալեքսեյ Իոնով, 20, 41
Հեռացում՝ Պաբլո Ֆոնտանելո, 69 («Ուրալ»)
Հետևեք NEWS.am SPORT-ին Facebook-ում, Twitter և Telegram-ում