03:25  +04,  2 մարտի, 2014

Արթուր Աբրահամը վերադարձրեց աշխարհի չեմպիոնի տիտղոսը (Ֆոտո)

Արթուր Աբրահամը վերադարձրեց պրոֆեսիոնալ բռնցքամարտի սուպերմիջին քաշային կարգում WBO վարկածով աշխարհի չեմպիոնի տիտղոսը:

Գերմանական Մագդեբուրգում կայացած 12 ռաունդանոց չեմպիոնական մենամարտում Աբրահամը միավորներով դժվարին հաղթանակ տարավ գերմանացի Ռոբերտ Շտիգլիցի նկատմամբ` 112:113, 115:110, 114:111:

Մեկնարկային ռաունդներում մարզապալատի աջակցության ներքո հանդես եկող Շտիգլիցն ավելի ակտիվ էր, բայց 34-ամյա Աբրահամը վատ չէր պաշտպանվում՝ դիմելով պատասխան գրոհների: Գրեթե բոլոր ռաունդները նման էին իրար: 32-ամյա գերմանացին շատ ակտիվ էր սկսում ռաունդը, իսկ Արթուրն ակտիվանում էր վերջնամասում: Ակտիվության շնորհիվ գերմանացին չնչին առավելություն էր ստացել միավորների հաշվարկում: Մենամարտի վերջնամասում Շտիգլիցի մոտ հոգնածություն էր նկատվում. նա դժվարությամբ էր մնում ոտքերի վրա, բայց Աբրահամը չէր կարողանում ինչպես հարկն է օգտվել դրանից: Այնուամենայնիվ, վերջին՝ 12-րդ ռաունդում գերմանացին հայտնվեց նոկդաունում: Մենամարտի ավարտին 25 վայրկյան էր մնում, սակայն Շտիգլիցը կարողացավ ոտքի կանգնել եւ դիմանալ մինչեւ ավարտը: Միեւնույն է գերմանացին չարդարացրեց բուքմեյքերների սպասելիքները. հաղթանակը շնորհվեց Արթուր Աբրահամին:

Սա Աբրահամի եւ Շտիգլիցի երրորդ հանդիպումն էր ռինգում: Առաջին մենամարտում հայ բռնցքամարտիկը հաղթել էր միավորներով՝ դառնալով աշխարհի չեմպիոն, իսկ ռեւանշ մենամարտում գերմանացին առավելության էր հասել տեխնիկական նոկաուտով՝ վերադարձնելով տիտղոսը:

Ռոբերտ Շտիգլիցը չորրորդ պարտությունը կրեց պրոֆեսիոնալ ռինգում, իսկ Արթուր Աբրահամը տարավ 39-րդ հաղթանակը (28 նոկաուտ):

Հետևեք NEWS.am SPORT-ին Facebook-ում և Twitter-ում


Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

Davit Melqonyan 02:45-02/03
Artuuuuuuuuuuuuuuuuuuuuuuuuuuur
Mesrop Karapetyan 03:45-02/03
SHNORHAVOR ARTUR JAAAAAAN.... apsos vor nokaut chexav.... [email protected] FUTBOLISTNERINNA......
Vahram 03:50-02/03
Snorhavorumem bolor hayerin ev nranc ov anhamber spasumer ays haxtanakin . na ir xosqi [email protected] exa halala qez Artur
Arevik 08:34-02/03
Shnorhavorum em u shat urax em, apri Abrahamy u noric haxtanakner tani, baic arden Haiastani droshi nerqo:
David 10:00-02/03
shnorhavor Artur jan arach haxtanak
Gagik 10:45-02/03
KECCES HEROS
Arsen 11:46-02/03
Apres Artur jan mist haxtanakner qez
Albert 13:40-02/03
shnorhavor haghtanakt Artur gan
Sam Zumian 09:11-03/03
Hpart enq qezanov`Artuuuuur jan!!!!!
  • Հարցում
Քվեարկել են (13)
  • Ֆեյսբուք
  • NEWS.am Sport Exclusive
  • Արխիվ