Բոսնիացի կենտրոնական պաշտպան Կենան Ցեյվանովիչը համալրեց Երեւանի «Արարատի» կազմը:
27-ամյա ֆուտբոլիստի պայմանագիրը նախատեսված է մինչեւ 2014-ի օգոստոսի 1-ը, հայտնում են «Արարատ» ՖԱ-ի մամուլի քարտուղարությունից:
Ցեյվանովիչը նախկինում հանդես է եկել Բոսնիայի եւ Հերցեգովինայի Տուզլա քաղաքի «Սլոբոդա», ինչպես նաեւ խորվաթական «Ռիեկա», «Կառլովաց» եւ «Գորիցա» թիմերում: Նրա վերջին ակումբը «Սլոբոդան» էր:
Բոսնիա - Հերցեգովինայի ազգային հավաքականի կազմում փորձառու պաշտպանը անցկացրել է 2 հանդիպում: Եվս 4 հանդիպում Ցեյվանովիչը անցկացրել է իր երկրի երիտասարդական հավաքականի կազմում:
Հետևեք NEWS.am SPORT-ին Facebook-ում, Twitter և Telegram-ում