17:51  ,  17 հունվարի, 2014

Ողբերգության վայրից գտել են Շումախերի տիբեթյան ապարանջանը

Գրենոբլի հիվանդանոցում կոմայի մեջ գտնվող Ֆորմուլա-1-ի յոթակի չեմպիոն Միխայել Շումախերի տիբեթյան ապարանջանը գտել են դեկտեմբերի 29-ին տեղի ունեցած ողբերգության վայրում: Մերիբելի լեռնադահուկային կայանի աշխատակիցները կարողացել են գտնել ապարանջանը, որը Շումախերին նվիրել էր կինը՝ Կորինան, հաղորդում է L'Equipe-ը:

Շամբալայի ապարանջանը երջանկության թալիսման էր 45-ամյա Շումախերի համար, որը մրցումների ժամանակ բազմիցս ենթարկվել է վթարների, սակայն բոլորն էլ բարեհաջող ավարտ են ունեցել:

Դեկտեմբերի 29-ից հետո Կորինա Շումախերը ապարանջանը փնտրել էր լեռնադահուկային մրցուղիում, ուղղաթիռում, հիվանդանոցում, սակայն չէր գտել:

Հետևեք NEWS.am SPORT-ին Facebook-ում, Twitter և Telegram-ում


  • Այս թեմայով