Լեհաստանի մայրաքաղաք Վարշավայում ուկրաինացի Անտոն Կորոբովի հաղթանակով ավարտվեց շախմատի կայծակնային խաղի (բլից) Եվրոպայի առաջնությունը: Կորոբովը 22 հնարավորից վաստակեց 18.5 միավոր: Փոխչեմպիոն դարձավ Ֆրանսիան ներկայացնող Վլադիսլավ Տկաչովը՝ 17: Երրորդը լեհ Բարտոշ Սոցկոն է՝ 17 միավոր:
Հայաստանի չորս ներկայացուցիչներ տեղ գրավեցին առաջին տասնյակում: Գաբրիել Սարգսյանը 16.5 միավորով 6-րդն է: Զավեն Անդրիասյանը նույն արդյունքով 7-րդն է: Տիգրան Լ. Պետրոսյանը 9-րդն է՝ 16 միավոր: Կարեն Հ. Գրիգորյանը 10-րդն է՝ 16 միավոր:
Հետևեք NEWS.am SPORT-ին Facebook-ում, Twitter և Telegram-ում