Վետերանների ընկերական հանդիպման ժամանակ մրցակցի հետ բախվելու հետեւանքով, կոտրվել է Խարկովի «Մետալիստի» գլխավոր մարզիչ Միրոն Մարկեւիչի քիթը: Խաղից հետո Մարկեւիչը տեղափոխվել է հիվանդանոց եւ վիրահատվել է, հայտնում է ակումբի կայքը:
Վնասվածք ստանալու օրը Մարկեւիչը մասնակցել է երկու հանդիպման: Վետերանների խաղից առաջ, նա «Մետալիստի» ղեկավարության թիմի կազմում խաղացել է նաեւ երկրպագուների թիմի հետ:
62-ամյա Մարկեւիչը «Մետալիստը» գլխավորել է 2005-ին: Նրա ղեկավարությամբ թիմը վեց անգամ նվաճել է Ուկրաինայի առաջնության բրոնզե մեդալները, իսկ անցած տարի հռչակվեց երկրի փոխչեմպիոն:
Հետևեք NEWS.am SPORT-ին Facebook-ում, Twitter և Telegram-ում