Ֆիթնեսի բնագավառում վերջին տարիներին զգալի առաջընթաց է նկատվում: Այդ գործում իր մեծ դերն է ունեցել «Օրանժ ֆիթնես» ակումբը, որը հիմնադրվելէ 5 տարի առաջ, եւ որին հաջողվել է նպաստել ֆիթնեսի ակումբային գաղափարի ստեղծմանն ու ամրապնդմանը:
Հանդիսանալով պրեմիում կարգի ֆիթնես ակումբ` «Օրանժ ֆիթնեսն» իր խստապահանջ հաճախորդներին առաջարկում է մարզվելու եւ ակտիվ հանգստի համար անհրաժեշտ բոլոր պայմանները. Բարձրակարգ մարզասարքերով հագեցած մարզասրահ, 25մ երկարությամբ եւ օզոնային ֆիլտրացիայի համակարգով փակ լողավազան, շոգեբաղնիքներ, ինչպես նաեւ բացօթյա լողավազան:
Դառնալով ակումբի անդամ` «Օրանժ ֆիթնեսի» հաճախորդները հնարավորություն են ստանում օգտվել բազմաթիվ խմբակային պարապմունքներից. յոգա, աերոբիկա, հեծանիվ, պիլատես, պարեր, ջրային աէրոբիկայի տեսակներ եւ այլն: Ակումբն ունի նաեւ ունիվերսալ խաղադաշտ, որը նախատեսված է բասկետբոլի, վոլեյբոլի եւ ֆուտբոլի համար:
«Օրանժ ֆիթնես» համալիրի տնօրեն Կարինե Փամբուկյանի խոսքով ակումբին հաջողվել է այս 5 տարիների ընթացքում ձեռք բերել առողջ ապրելակերպը գնահատողների լիարժեք վստահությունը:
«Արդեն 5 տարի է, ինչ մենք առաջարկում ենք բարձրակարգ ֆիթնեսի ծառայություններ եւ ուրախ ենք, որ այսօր ֆիթնեսը դարձել է ժամանակակից մարդու կյանքի անբաժանելի մասը:
Իհարկե, շատ մարդկանց համար դժվար է սկսել մարզվել, բայց մեր ակումբի անդամները նրանք են, ովքեր փորձել են եւ այժմ գիտեն, թե ինչ դեր ունի «Օրանժ ֆիթնես»-ն իրենց կյանքում, գիտեն լավ ինքնազգացողության, լավ կազմվածքի եւ լավ տրամադրության գինը:
«Օրանժ ֆիթնես»-ն ապրելակերպ է, հաջողակ լինելու բանաձեւ:
Մենք ուրախ ենք, որ կարողանում ենք մեր աշխատանքով փոխել մարդկանց կյանքը դեպի լավը»,- ասաց Կարինե Փամբուկյանը՝ ակումբի 5-ամյակի կապակցությամբ լրագրողների հետ հանդիպմանը։
Հետևեք NEWS.am SPORT-ին Facebook-ում, Twitter և Telegram-ում