Կատալոնական «Բարսելոնայի» կիսապաշտպան Չավի Հերնանդեսը կարծում է, որ իր խաղընկեր Լիոնել Մեսին կարող է դառնալ բոլոր ժամանակների լավագույն ֆուտբոլիստը:
«Եթե Լեոն շարունակի աշխատաել այնպես, ինչպես հիմա, նա ունի բոլոր նախադրյալները պատմության մեծագույն ֆուտբոլիստ դառնալու համար: Ես հպարտ եմ, որ խաղացել եւ խաղում եմ «Բարսելոնայում»: Դրա շնորհիվ հնարավորություն եմ ունեցել խաղալ եւ շփվել շատ բարձրակարգ ֆուտբոլիստների հետ, աշխատել տաղանդավոր մարզիչների գլխավորությամբ: Ես միշտ երազել եմ նույն ակումբում հանդես գալ Զիդանի ու Ռոնալդոյի հետ եւ մարզվել Յոհան Կրույֆի գլխավորած թիմում: Ես լսել եմ, որ Կրույֆը միշտ օգտակար եւ խելացի մտքեր է արտահայտում»,- Չավիի խոսքը մեջբերում է Goal.com-ը:
32-ամյա Չավին «Բարսելոնայի» մանկապատանեկան դպրոցի սան է: Առաջիկայում կիսապաշտպանը կարող է իր 700-րդ հանդիպումն անցկացնել կատալոնական ակումբի կազմում:
Հետևեք NEWS.am SPORT-ին Facebook-ում, Twitter և Telegram-ում