Հարկավոր է մտածել Մխիթարյանին փոխարինելու մասին, քանի որ նա կարող է հեռանալ, հայտարարել է Դոնեցկի «Շախտյորի» գլխավոր մարզիչ Լուչեսկուն՝ մեկնաբանելով թիմի տրանսֆերային քաղաքականությունը։
«Նոր ենք սկսել։ Մինչեւ օգոստոս բավականին ժամանակ ունենք։ Գիտենք, թե ով է հեռանալու թիմից։ Նրանց թիվը կկազմի 6-7 ֆուտբոլիստ։ Ձեռք ենք բերել Վելինգտոնին եւ Ֆերնանդոյին։ Երկու շաբաթվա ընթացքում թիմը կուժեղանա եւս մեկ խաղացողով։
Հարձակման գծում կգործեն Թեյշերան, Դուգլասը եւ Ադրիանոն։ Հարկավոր է մտածել Մխիթարյանին փոխարինելու մասին, քանի որ նա կարող է հեռանալ։ Կա մի թիմ, որը նրա համար կվճարի պահանջվող գումարը։ Մեզ ոչինչ չի մնում անել։ Ստիպված ենք փոխարինող գտնել», - Լուչեսկուի խոսքն է մեջբերում ProSport-ը։
Հետևեք NEWS.am SPORT-ին Facebook-ում, Twitter և Telegram-ում