18:50  ,  20 ապրիլի, 2013

Դոնեցկի «Մետալուգը» կամային հաղթանակ տարավ «Գովերլայի» նկատմամբ

Ֆուտբոլի Ուկրաինայի առաջնության 25-րդ տուրում Դոնեցկի «Մետալուրգը» սեփական խաղադաշտում 2:1 հաշվով պարտության մատնեց Ուժգորոդի «Գովերլային»:

Խաղի սկզբնամասում ուժգորոդցիներն առաջ անցան հաշվի մեջ, սակայն ընդմիջումից հետո դաշտի տերերը խփեցին 2 գոլ՝ տանելով կամային հաղթանակ:

«Մետալուրգի» կիսապաշտպան Կառլեն Մկրտչյանը մասնակցեց ամբողջ հանդիպմանը, իսկ Արթուր Եդիգարյանը «Գովերլայի» մեկնարկային կազմում էր եւ խաղաց 77 րոպե: Գեւորգ Ղազարյանը Դոնեցկի թիմի փոխարինողների թվում էր եւ խաղադաշտ դուրս եկավ 71-րդ րոպեին:

Այս հաղթանակից հետո «Մետալուրգը» 39 միավորով բարձրացավ 5-րդ տեղ, իսկ «Գովերլան» 18 միավորով նախավերջին՝ 15-րդ տեղում է:

Ուկրաինայի առաջնություն. 25-րդ տուր 

«Մետալուրգ Դ.» - «Գովերլա»՝ 2:1

Նիկոլայ Մորոզյուկ, 50, Վելիզար Դիմիտրով, 57 – Ժորդի Լոպես, 7

Հետևեք NEWS.am SPORT-ին Facebook-ում, Twitter և Telegram-ում


  • Հարցում
Քվեարկել են (13)
  • Ֆեյսբուք
  • NEWS.am Sport Exclusive
  • Արխիվ